Habari

Simba Yashinda Rufaa Dhidi ya Al Merrikh

Al Merrikh ilifungua mashitaka dhidi ya Simba ikiwatuhumu kufanya udanganyifu kuwa klabu ya Wekundu wa Msimbazi Simba walitoa majibu yasiyo sahihi kwa baadhi ya wachezaji wa timu hiyo ya Al Merrikh siku mbili kabla ya mchezo hivyo kuwafanya Al Merrikh kushindwa kuwatumia wachezaji wao

Shirikisho la mpira wa miguu barani Afrika (CAF) limetoa hukumu juu ya rufaa iliyofunguliwa tarehe 21/3/2021 na timu ya mpira wa miguu ya Al Merrikh inayoshiriki ligi ya mabingwa ya Afrika kutoka nchini Sudani.

Kupitia Barua iliyotumwa tar 28 march 2021 kwa shirikisho la mpira wa miguu la nchini Sudan kuelezea hukumu hiyo, Shirikisho la Mpira wa Miguu Barani Afrika limesema “linatambua vipimo vya corona vilivyochukuliwa masaa 48 kabla ya mchezo huo na si vipimo vingine kama vile vilivyochukuliwa siku moja ama zaidi baada ya mchezo, kwani vipimo hivyo huwa na tabia ya kubadilika”.

Aidha shirikisho hilo la soka barani Afrika limesema hawawezi kuingilia utaratibu wa utoaji taarifa kuhusu corona kwa nchi yeyote kwani nchi hizo huwa na utaratibu maalumu wao wa kuzisimamia taarifa hizo.

Al Merrikh ilifungua mashitaka dhidi ya Simba ikiwatuhumu kufanya udanganyifu kuwa klabu ya Wekundu wa Msimbazi Simba walitoa majibu yasiyo sahihi kwa baadhi ya wachezaji wa timu hiyo ya Al Merrikh siku mbili kabla ya mchezo hivyo kuwafanya Al Merrikh kushindwa kuwatumia wachezaji hao kwenye mchezo uliochezwa 16/03/2021 kwenye uwanja wa Benjamini Mkapa Dar es salaam nchini Tanzania, ambao simba walishinda goli 3 wakati Al merrick hawakupata kitu.

Kutokana na ushindi wa kesi hiyo, Klabu ya Simba inaendelea kubaki kileleni katika kundi A wakiwa na alama kumi (10), hivyo kuwafanya kutafuta alama moja (01) tu ili waweze kutinga hatua ya robo Fainali ya michuano hiyo.

Aidha jumapili alasiri tarehe 3/4/2021 Simba inatarajiwa kushuka dimbani dhidi ya timu ya As vita club kutoka Jamhuri ya Kidemokrasia ya Kongo, katika uwanja wa Benjamini Mkapa, huku siku baadae tarehe 9/4/2021 ikienda kumalizia na timu ya al ahly nchini Misri.