Serikali imetangaza tahasusi (Combination) mpya kwa wahitimu wa Kidato cha Nne mwaka 2020 na Kozi za Vyuo vya Elimu ya Ufundi mwaka 2021 lengo likiwa ni kuondoa changamoto ya ukosefu wa wataalam nchini ambayo imekuwepo kwa muda mrefu.

Akizunguza jijini Dodoma leo Waziri wa Nchi Ofisi ya Rais Tamisemi, Suleiman Jafo amesema zoezi hili litafanyika kuanzia tarehe 29/03/2021 hadi tarehe 11/04/2021 saa sita usiku. Hivyo, wanafunzi wanaotaka kufanya mabadiliko wanatakiwa kuingia kwenye mfumo wa uchaguzi wa wanafunzi unaopatikana katika anuani ya selform tamisemi.

Tahasusi mpya zilizoanzishwa kwa wanafunzi wa kidato cha 5, mwaka 2021 ni kama ifuatavyo:-

1. Physics, Mathematics, Computer studies (PMC) watasoma shule ya sekondari Dodoma ni wasichana na Shule ya sekondari ya ufundi Iyunga ni wavulana.

2. Kiswahili, French, Chinese (KFC) watasoma sekondari ya Morogoro ni wasichana na wavulana watasoma sekondari ya Usagara.

3. Kiswahili, English, Chinese (KEC) watasoma sekondari ya Morogoro ni wasichana na wavulana watasoma sekondari ya Usagara.

4. Physical Education, Biology, Fine Arts (PEBFA) watasoma wasichana shule ya sekondari Makambako na wavulana wao ni sekondari ya Kibiti. Pia, shule ya sekondari ya Mpwapwa ni kwa ajili ya wasichana na wavulana kwa tahasusi ya PEBFA!

5. Physical Education, Geography, Economics (PEGE) watasoma wasichana shule ya sekondari Makambako na wavulana wao ni sekondari ya Kibiti. Pia, shule ya sekondari ya Mpwapwa ni kwa ajili ya wasichana na wavulana kwa tahasusi ya PEGE!

Aidha, Waziri Jafo ameomba wanafunzi waanze kuchagua kuanzia leo hadi Aprili 11, 2021 saa 6 usiku siku ambayo mfumo utafungwa.