Habari

Mke wa El Chapo Guzman Akamatwa kwa Ulanguzi wa Dawa za Kulevya, Marekani

Bi Coronel Aispuro anashtakiwa kwa kushiriki katika njama ya kumsaidia mumewe kuendesha biashara yake haramu ya kusambaza dawa za kulevya pamoja na kupanga njama ya kumsaidia kutoroka kutoka jela moja ya Mexico mwaka wa 2015

Emma Coronel Aispuro, mwanamitindo wa zamani mwenye umri wa miaka 31, amekamatwa jana katika Uwanja wa Ndege wa Kimataifa wa Dulles jimboni Virginia na anatarajiwa kuwasilishwa mbele ya mahakama ya kijimbo mjini DC kupitia kanda ya video, imesema idara ya haki nchini humo.

Bi Coronel Aispuro anashtakiwa kwa kushiriki katika njama ya kumsaidia mumewe kuendesha biashara yake haramu ya kusambaza dawa aina ya Cocaine, Methamphetamine, heroin na bangi pamoja na kupanga njama ya kumsaidia kutoroka kutoka jela moja ya Mexico mwaka wa 2015.

Kukamatwa kwake ni tukio la muendelezo katika sakata la kimataifa linalomhusisha Guzman, aliyekuwa

kiongozi wa muda mrefu wa kundi la ulanguzi wa dawa za kulevya la Sinaloa

Guzman kwasasa anahudumia kifungo cha maisha jela mjini New York kwa kuhusika katika ulanguzi wa mihadarati na fedha.

Jamaa huyo mwenye umri wa miaka 63 ni kiongozi wa zamani wa kundi la walanguzi wa mihadarati wa Sinaloa ambalo ndilo lililokuwa na mtandao mkubwa wa usambazaji wa mihadatari nchini Marekani