Habari

Libya yafanikiwa Kuchagua Serikali ya Mpito

Mkutano uliofanikisha uchaguzi huo umefanyika karibu na Geneva, ukisimamiwa na Umoja wa Mataifa.

Baraza la Libya linaloongozwa na Umoja wa Mataifa limepiga kura juu ya uchaguzi wa serikali ya mpito na kumchagua mfanyabiashara Mohammed al-Menfi kuwa mkuu wa baraza la urais huku balozi wa zamani wa Libya nchini Ugiriki, Abdulhamid Dbeibeh kama waziri mkuu.

Uchaguzi wa serikali moja unakusudia kumaliza mgawanyiko uliokuwa nchini Libya ambao umedumu kwa zaidi ya miaka mitano huku serikali mbili zinazopingana na vikundi vyao vyenye silaha, vikiendesha sehemu tofauti za nchi hiyo iliyopo Kaskazini mwa Afrika.

Wajumbe sabini na nne wa Baraza la Mazungumzo ya Kisiasa la Libya (LPDF), ambalo lilijumuisha Walibya kutoka pande tofauti za kisiasa, walichagua orodha ambayo ilijumlisha waziri mkuu na mkuu wa Baraza la Rais.

Tangu 2014, udhibiti wa Libya umegawanyika kati ya serikali 2; moja yenye makao mjini Tripoli ikiongoza upande wa magharibi, huku nyingine iliyoungwa mkono na makundi kadhaa yenye silaha ikiidhibiti sehemu ya mashariki ya nchi hiyo.

Katika machafuko hayo, mataifa ya kigeni yamekuwa yakiunga mkono kambi za wapinzani.

Uturuki inaunga mkono Serikali Tripoli (GNA), wakati Urusi, Falme za Kiarabu na Misri wanaunga mkono Jeshi la Kitaifa la Libya (LNA) la Khalifa Haftar upande wa mashariki.

Washiriki wa mazungumzo ya Umoja wa Mataifa walikubaliana juu ya suala la kupigia kura wagombea wa serikali ya mpito mwezi huu ambapo . Mkutano uliofanikisha uchaguzi huo umefanyika karibu na Geneva, ukisimamiwa na Umoja wa Mataifa.