Tanzania

Dkt. Mpango Aapishwa kuwa Makamu wa Rais Tanzania

Akihutubia baada ya kuapishwa Dkt. Mpango amesema “Na katika kutekeleza majukumu unayonituma hakika nitashirikiana na viongozi wenzangu inavyopaswa lakini pia mihimili yote ya Dola” Mh. Dkt. Philipo Mpango

Dkt.Philipo Isdor Mpango Ameapishwa kuwa Makamu wa Rais, hafla hiyo imefanyika leo tarehe 31/03/ 2021 Ikulu Chamwino, kufuatia Uteuzi wake ulifanywa jana tarehe 30/03/2021 ikiwa ni siku chache baada ya aliyekuwa Makamu wa Rais. Mh Samia Suluhu Hassan kuchukua nafasi ya Urais wa Jamhuri ya Muungano wa Tanzania kama kisemavyo kifungu cha 37 ibara ya (5) ya katiba ya Jamhuri ya Muungano wa Tanzania baada ya kifo cha aliekuwa Rais wa Jamhuri wa Muungano wa Tanzania Dr.John Pombe Magufuli.

Dkt.Mpango atashika uongozi huo kwa kipindi kilichosalia cha miaka minne (04) ili kukamilisha Uongozi wa Awamu ya tano (05).

Akihutubia baada ya kuapishwa Dkt.Mpango alisema “na katika kutekeleza majukumu unayonituma hakika nitashirikiana na viongozi wenzangu inavyopaswa lakini pia mihimili yote ya Dola”  Dkt. Philipo Mpango

Dkt. Mpango ambaye aliingia Bungeni kwa mara ya kwanza mwaka 2015 kama mbunge wa kuteuliwa na Rais kati ya Wabunge kumi wanaoteuliwa na Rais, na Mwaka 2020 aliingia Bungeni kwa mara ya pili huku akiwakilisha Jimbo la Buhigwe mkoani Kigoma.

Dkt. Mpango alikuwa Waziri wa Wizara ya Fedha tangu mwaka 2015, mpaka hapo jana ambapo uteuzi wake ulikoma baada ya kuteuliwa na kuthibitishwa na Bunge kwa kura 363 sawa na asilimia 100 kuwa Makamu wa Rais wa Tanzania.